КМУнун ЭЖМК бөлүмүнүн башчысы Э.Сатыбекова жана бөлүмдүн студенттери кыргыз басма сөз кызматынын 100 жылдыгына карата конференцияга катышты

И.Арабаев атындагы КМУнун Мамлекеттик тил жана маданият институтунун эл аралык журналистика жана медиа коммуникациялар бөлүмүнүн башчысы Эльвира Сатыбекова К.Карасаев атындагы БМУда өткөн Мелис Эшимкановго жана Кыргыз басма сөз кызматынын 100 жылдыгына арналып уюштурулган конференцияда "Мелис Эшимканов: кыргыз журналистикасынын калыптанышы" аталышында доклад жасады.

Ошону менен катар, М.Эшимканов фонду тарабынан уюштурулган студенттер арасында эссе, видеоролик сынагында ЭЖМК бөлүмүнүн 4-курсунун студенти Гүлнура Салиева эссе сынагында 1-орун, ушул эле сынакта 1-курстун студенти Камчыбек Атамбеков - 3-орун, видеоматериал сынагында Гулнура Салиева жана Жасмина Турганбекова - 1-орун ээлешти.

Сынактын максаты: чыгармачыл жаштарды колдоо жана өз оюн жаңычыл ыкмалар менен чагылдырууга шарт түзүү. Жеңүүчүлөр диплом жана ыраазычылык каттар менен сыйланды.