КМУнун ИДФнин окутуучулары КРСУда өткөн “Сүрөтчү дизайнерлердин санариптик мүмкүнчүлүктөрү” аталышында эл аралык ИПКга катышты

31-январь күнү И. Арабаев атындагы КМУнун Искусство жана дизайн факультетинин Көркөм сүрөт жана дизайн кафедрасынын доцентинин м.а., философия илимдеринин кандидаты Улуубек Закиров жана ага окутуучусу Рысбек Мамбетакунов Б.Н. Ельцин атындагы Кыргыз-Орус Славян университетинде өткөн “Сүрөтчү дизайнерлердин санариптик мүмкүнчүлүктөрү” аталышында эл аралык илимий-практикалык конференцияга катышты.

Конференциянын максаты: сүрөтчү дизайнерлердин санариптик технологияларды колдонуу мүмкүнчүлүктөрүн жана аларды чыгармачылык ишмердүүлүгүндө ийгиликтүү колдонуу.

Конференцияда дизайнерлер санариптик негизде жасалган искусствону, 3D моделдөө, графикалык дизайн, анимация жана виртуалдык чөйрөлөрдү түзүү сыяктуу жаңы ыкмаларды колдонуу аркылуу чыгармачылыгын кантип өркүндөтө ала тургандыгын талкуулашты. Ошондой эле, санариптик технологиялар сүрөтчүлөргө жаңы чөйрөлөрдө өзүн көрсөтүүгө жана дүйнөлүк масштабда кесиптештери менен байланышууга мүмкүнчүлүк берет.