КМУнун М.Р.Рахимова атындагы ККББИнин окутуучулары Москва шаарындагы “Жогорку Экономика мектеби” университетинин аспиранттарына конок-лекция окушту

22-ноябрь күнү И.Арабаев атындагы КМУнун М.Р.Рахимова атындагы Кошумча кесиптик билим берүү институтунун педагогикалык жана гуманитардык билимдер кафедрасынын проф.м.а., т.и.д. Гүлзада Абдалиева жана ага окутуучусу Венера Жумалиева "Кыргыз диаспорасынын кеңеши" эл аралык байланыштарды өнүктүрүүгө көмөктөшүү боюнча региондор аралык коомдук уюмунун чакыруусу менен Кара-Кыргыз Автономиялуу облусунун түзүлгөндүгүнүн 100 жылдыгына арналган “Кылым кыйыры: Кара-Кыргыз Автономиялуу облусунун түзүлгөндүгүнө 100 жыл” аталышындагы долбоорду коомчулукка жеткирүү максатында иш-чарага катышышты.

Анда, архивдик фото-фоно материалдарынын көргөзмөсу катышуучулардын кызыгуусун арттырып, алардын суроолоруна жооптор менен коштолду.

23-ноябрь күнү “Жогорку Экономика мектеби” Улуттук изилдөө университетинин студенттерине, магистранттарына жана аспиранттарына Гүлзада Абдалиева жана Венера Жумалиевалар “Кара-Кыргыз Автономиялуу облусунун түзүлгөндүгүнө 100 жыл” темасында конок-лекция окушту.