КМУнун Манас таануу кафедрасы жана Студенттик парламент тарабынан “Манас” эпосунун күнүнө карата "Улутумдун улуулугу Манаста" интеллектуалдык таймашы өттү

29-ноябрь күнү И.Арабаев атындагы КМУда Мамлекеттик тил жана маданият институтунун Манас таануу кафедрасы жана Студенттик парламент тарабынан 4-декабрь - “Манас” эпосунун күнүнө карата "Улутумдун улуулугу Манаста" интеллектуалдык таймашы өттү.

Таймашка "Аян", "Аядил", "Мааникер", "Улуу Мурас", "Каныкей", "Кыз Сайкал" жана "Алтын Казык" 7 команда катышты.

Интеллектуалдык таймаштын Калыстар тобу: төрагасы Манас таануу кафедрасынын доценти, филология илимдеринин кандидаты Низамидин Мурзаев, окутуучу Каныкей Исакова, кафедранын доценти, филология илимдеринин кандидаты Марс Осмоналиев, Студенттик парламенттин төрагасы Байел Суйунбеков, манасчы Эсенбол Бегалиев.

Таймаштын жыйынтыгында "Алтын Казык" тобу 1-орун, "Мааникер" жана "Аян" топтору 2-орун, "Кыз Сайкал" тобу 3-орунду ээледи.

Таймаштын негизги уюштуруучусу Манас таануу кафедрасынын ага окутуучусу Чынара Салиева жана алып барган Манас таануу кафедрасынын 1-курсунун студенти Законбек кызы Айжамал.