КМУнун окутуучулары эл аралык көргөзмөгө катышты

И. Арабаев атындагы Кыргыз мамлекеттик университетинин Искусство жана дизайн факультетинин Көркөм сүрөт жана дизайн кафедрасынын профессордук-окутуучулар курамы Г.Айтиев атындагы Кыргыз улуттук көркөм сүрөт музейинде өткөн эл аралык көргөзмөгө катышты. Иш-чарага Казакстан, Кыргызстан жана Татарстан (Россия) өлкөлөрүнөн келген дизайнерлердин чыгармачыл эмгектери тартууланды.

Бул көргөзмө Казакстан Республикасынын Евразиялык Дизайнерлер Союзу тарабынан уюштурулуп, анда үч мамлекеттин өкүлдөрү өздөрүнүн чыгармачыл ишмердүүлүгү менен тааныштырып, көркөм сүрөт жана дизайн багытында акыркы жетишкендиктерин көрсөтүштү.

Иш-чаранын алкагында КМУнун ага окутуучулары Доктуркул Ибраев, Марат Заркунов, Лайли Амираева, Рысбек Мамбетакунов жана Нургул Ирсалиева өз эмгектери менен катышты.

Бул көргөзмө дизайнерлик өнөрдүн өнүгүүсүнө чоң салым кошуп, өлкөлөр ортосундагы маданий жана чыгармачыл кызматташтыкты чыңдоого чоң мүмкүнчүлүк түздү.