КМУнун окутуучулары «Климаттык билим берүү боюнча модулдарды иштеп чыгуу» программасына катышууда

И.Арабаев атындагы Кыргыз мамлекеттик университетинин Табигый илимдер институтунун Жалпы биология жана аны окутуунун технологиясы кафедрасынын доценти, биология илимдеринин кандидаты Гулнара Шаршеналиева, ага окутуучу⁠лар Гульнур Токталиева, Нурифер ⁠Ниязова, ⁠ Айжан Боогачиева Бишкек шаарында өтүп жаткан «Климаттык билим берүү боюнча модулдарды иштеп чыгуу» программасына катышууда.

Иш-чара Климаттык билим берүү модулдарын иштеп чыгуу жана ишке ашыруу үчүн Тренерлерди даярдоо (TOT) программасынын алкагында өткөрүлүп, Кыргыз Республикасынын Жаратылыш ресурстары, экология жана техникалык көзөмөл министрлиги, UNITAR (Бириккен Улуттар Уюмунун окутуу жана изилдөө институту), ONUV өнөктөштүгү, ПРООН (Бириккен Улуттар Уюмунун өнүктүрүү программасы) тарабынан уюштурулган.

Төмөнкү негизги багыттар боюнча иш алып барууда:

- Биологиялык ар түрдүүлүк жана экосистемалар,

- Климаттык каржылоо,

- Тамак-аш калдыктарын кайра иштетүү,

- Санарип технологиялар жана жашыл экономика,

- Экологиялык из жана климаттык туруктуулук,

- Декарбондоштуруу жана туруктуу технологиялар.

Программанын негизги максаты: жогорку окуу жайларында климаттык билим берүүнү системдүү киргизүү үчүн окутуучулардын жана адистердин кесиптик потенциалын жогорулатуу. Ошондой эле, академиялык коомчулуктун жана студенттердин глобалдык жана жергиликтүү климаттык чакырыктар тууралуу маалымдуулугун арттыруу.