КМУнун окутуучулары Кыргызстандагы чоңдорду окутуу боюнча өткөн семинарга катышты

И.Арабаев атындагы КМУнун М.Р.Рахимова атындагы ККББИнин окутуучулары Кыргызстандагы чоңдорду окутуу боюнча өткөн семинарга катышты. Бишкекте андрагогиканы Кыргызстанда жайылтуу боюнча семинарда чоңдордун билим берүү чөйрөсүндөгү актуалдуу маселелерди талкуулоо, эл аралык тажрыйба алмашуу жана биздин өлкөдө андрагогиканы өнүктүрүү стратегиясын биргелешип иштеп чыгуу үчүн эксперттерди, мугалимдерди жана адистерди чогултту.

Иш-чаранын күн тартибинде:

• Чоңдорго билим берүү тармагындагы учурдагы кырдаал жана көйгөйлөр.

• андрагогияны жайылтуу боюнча жол картасын иштеп чыгуу.

• Квалификациялык базаны жана кесиптик стандарттарды калыптандыруу маселелери каралды.

Мындай демилгелер чоңдор үчүн жаңы окуу мүмкүнчүлүктөрүн түзүүгө жана өмүр бою сапаттуу билим алуу мүмкүнчүлүгүн жогорулатууга жардам берет.

Семинарга М.Р.Рахимова атындагы Кошумча кесиптик билим берүү институтунун директору, п.и.к., доцент Гульнара Усенгазиева, Табигый-математикалык билимдер кафедрасынын доценти, г.и.к. Дамира Шаршенова, Инновациялык технологиялар жана квалификацияны жогорулатуу борборунун башчысы Сапарбек Оморов, Табигый-математикалык билимдер кафедрасынын доценти, п.и.к. Калыйбүбу Жунушалиева, Мамлекеттик тил жана маданият институтунун ага окутуучусу Назгүл Масалиевалар катышты.