КМУнун окутуучулары Ысык-Көлдө өткөн спартакиадага катышты

И. Арабаев атындагы Кыргыз мамлекеттик университетинин кесиптик бирлигинин төрагасы Назар Догдурбек жана КМУнун окутуучулары Нургүл Жунузалы кызы, Гулира Токтогулова, Айгерим Моношева Ысык-Көлдө өткөн спартакиадага катышты.

Иш-чара Кыргызстандын Кесиптик кошуундар федерациясы тарабынан уюштурулуп, ага 300дөн ашык мамлекеттик кызматкер катышып, 9 спорт түрү мини-футбол, волейбол, шахмат, бильярд, чуркоо, армрестлинг, аркан тартыш жана таяк тартыш боюнча күч сынашты.