КМУнун окутуучулары жана студенттери "Музейлер түнүнө" катышты

И.Арабаев атындагы Кыргыз мамлекеттик университетинин Искусство жана дизайн институтунун ага окутуучулары Амираева Лайли, Закиров Улуубек, Мамбетакунов Рысбек, Ирсалиева Нургүл, Сабыров Мирлан жана 3-4-курстарынын студенттери Г.Айтиев атындагы Кыргыз улуттук көркөм сүрөт искусствосу музейинде 18-май Эл аралык «Музейлер түнүнө» жана музейдин 90 жылдыгына карата катышышты.

Алар көркөм сүрөт искусствосунун түрлөрү боюнча музейге келген көрүүчүлөргө өнөр көрсөтүп, мастер-класстарды өткөрүштү.

Иш-чаранын максаты: музейге келген көрүүчүлөргө кыргыздын унутулуп бара жаткан кол өнөрчүлүгүн (сайманын түрлөрү, кийизди, булгарыны көркөм иштетүү) жана боёк менен иштөөнүн заманбап ыкмаларын үйрөтүү, аларга көркөм эстетикалык жагымдуу маанай тартуулоо.