КМУнун окутуучуларына окумуштуулук наамдар ыйгарылды

Бүгүн, 31-октябрь күнү, И. Арабаев атындагы Кыргыз мамлекеттик университетинин Окумуштуулар кеңешинин кезектеги отурумунда КМУнун ректору, профессор Айгүл Абдраева География жана аны окутуунун технологиясы кафедрасынын профессору Темирбек Чодураевге Эл аралык экология, адамдын коопсуздугу жана жаратылыш илимдер академиясынын академиги окумуштуулук наамы ыйгарылган дипломун тапшырды. Ошондой эле, японтаануу институтунун директору Айбек Самаровго педагогика илимдеринин кандидаты окумуштуулук даражасы дипломун; англис тилинин технологиялары жана теориялары жана практикалары кафедрасынын окутуучусу Рахима Андашовага филология илимдеринин кандидаты окумуштуулук даражасы дипломун; физика-математика факультетинин математика жана аны окутуунун технологиясы кафедрасынын окутуучусу Жамила Солтонкуловага математика адистиги боюнча доцент окумуштуулук наамы ыйгарылган диплому тапшырылды.

КМУнун ректору Айгүл Абдраева алардын илим жана билим тармагына кошкон чоң салымдарын белгилеп, жетишкендиктери менен куттуктады.