КМУнун окутуучусу жана магистранттары Өзбекстанда өткөн тарыхчылардын форумуна катышты
И.Арабаев атындагы Кыргыз мамлекеттик университетинин Э.Ж.Маанаев атындагы Тарых жана социалдык-укуктук билим берүү институтунун окутуучусу Сталбек Бекболотов, магистранттар Дастан Абдыраманов, Ширин Алмазбек кызы, Айтаалы Сыдыкаалы уулу, Каныкей Темирбек кызы Өзбекстандын Чимган шаарында өткөн жаш тарыхчылардын 4-жайкы форумуна катышты.
Форумдун алкагында Орто Азиянын тарыхы, КМШ мамлекеттеринин саясий өнүгүүсү, түрк элдеринин маданияты жана тарыхый өз ара байланышы тууралуу маанилүү темалар талкууланды.
Иш-чаранын максаты жаш адистердин илимий деңгээлин жогорулатуу, келечектеги кызматташтыкка жол ачуу жана тарых илимин тереңдетүү.