КМУнун профессордук-окутуучулар курамы илимпоз Ж.Сагынбековдун 85 жылдыгына арналган эл аралык илимий-практикалык конференциясына катышты

И.Арабаев атындагы КМУнун М.Р.Рахимова атындагы Кошумча кесиптик билим берүү институтунун, Табыгый илимдер жана туризм институтунун жана Физика-математика факультетинин профессордук-окутуучулар курамы илимпоз, биология илимдеринин кандидаты, Талас мамлекеттик университетинин доценти Жышан Сагынбековдун 85 жылдыгына арналган эл аралык илимий-практикалык конференцияга катышты. Аталган иш-чара 2024-жыл Шанхай кызматташтык уюмунун мейкиндигинде Экология жылы жарыялангандыгына байланыштуу уюштурулган. Конференциянын алкагында И. Арабаев атындагы КМУнун М.Р.Рахимова атындагы Кошумча билим берүү институту тарабынан "Кара-Кыргыз автономиялуу облусунун түзүлгөнүнө 100 жыл" аталышында архивдик фото-, фономатериалдарынын көргөзмөсү уюштурулду. Пленардык жана секциялык отурумдарда актуалдуу маселелерди камтыган баяндамалары менен п.и.к., доцент Гүлнара Усенгазиева, т.и.к., доцент Гүлзат Токонбекова, б.и.к., доцент Гүлнар Шаршеналиева, т.и.к., доцент Назгүл Рысмендеевалар сөз сүйлөштү.