КМУнун профессору С. Алымкулова Германияда өткөн эл аралык конференцияга катышты

И.Арабаев атындагы Кыргыз мамлекеттик университетинин Э.Ж.Маанаев атындагы Тарых жана социалдык-укуктук билим берүү институтунун профессору Сынару Алымкулова Берлинде өткөн «Германия – Борбордук Азия өнөктөштүгү Форуму» аталышындагы эл аралык конференцияга катышты. Конференция дүйнөлүк окумуштуулардын катышуусунда уюштурулуп, анда профессор Сынару Алымкулова “Кыз ала качуу – салт жана азыркы учур” аталышында доклад жасады.

Профессор Сынару Алымкулованын баяндамасы кызуу талкуу жаратып, Европалык окумуштуулар кыргыз элинин салттары тууралуу кеңири маалымат алышты.

Конференциянын жүрүшүндө профессор Сынару Алымкулова Европалык окумуштуулар фондунун президенти Елена Хоффман жана антрополог Махабат Садырбек менен Э.Ж.Маанаев атындагы Тарых жана социалдык-укуктук билим берүү институтунун студенттерине академиялык мобилдүүлүк программасы боюнча конок-лекция окуп берүү тууралуу макулдашты. Бул кызматташтык студенттердин билим деңгээлин жогорулатууга жана эл аралык тажрыйба алмашууга шарт түзөт.