КМУнун профессору Ю.Шыгаев Казакстанда өткөн «Тұран таулары» эл аралык көргөзмө-симпозиумуна катышты

И.Арабаев атындагы КМУнун Искусство жана дизайн факультетинин Көркөм сүрөт жана дизайн кафедрасынын профессору Юристанбек Шыгаев Казакстан Республикасынын А.Кастеев атындагы мамлекеттик сүрөт искусство музейинде өткөн Абылхан Кастеевдин жана Орал Тансыкбаевдин туулгандыгынын 120 жылдыгына арналган «Тұран таулары» эл аралык көргөзмө-симпозиумга катышты. Бул иш-чара үч айлык эл аралык кызматташтыктын жыйынтыгы катары ачылып, анда Казакстан, Кыргызстан, Өзбекстан жана Россиянын чеберлеринин 80ден ашык чыгармалары сунушталды. Ошону менен катар, катышуучулардын эмгектерин камтыган каталогунун бет ачары өттү.