КМУнун профессору Юристанбек Шыгаев Түркиянын Измир шаарында өткөн эл аралык көргөзмөгө катышты

И.Арабаев атындагы Кыргыз мамлекеттик университетинин Искусство жана дизайн факультетинин Көркөм сүрөт жана дизайн кафедрасынын профессору Юристанбек Шыгаев Түркиянын Измир шаарында өткөн эл аралык көргөзмөгө катышты. Көргөзмө By Pablo галереясы тарабынан уюштурулуп, Түркия, Иран, Өзбекстан, Азербайжан, Румыния жана Кыргызстандан барган сүрөтчүлөрдүн чыгармалары тартууланды. Бул эл аралык искусство иш-чарасы UNICEF Түркия Улуттук Комитетинин кызматташуусунда өткөрүлүп, балдардын жаркын келечеги үчүн үмүт жана кубаныч тартуулоону максат кылган.

Бул эл аралык сүрөт көргөзмөсү келечегибиздин кепилдиги болгон балдарыбызга үмүт жана кубаныч тартуулоо үчүн уникалдуу мүмкүнчүлүк болуп саналат. Көргөзмөгө коюлган сүрөттөрдөн түшкөн каражат балдар үйүнө которулат.