КМУнун проректору А.Чалданбаева “Климаттын өзгөрүүсүнүн шартында туруктуу жашыл өнүгүүнүн көйгөйлөрү” аталышында эл аралык ИПКга катышты

13-декабрь күнү КР Тышкы иштер министрлигинин К.Дикамбаев атындагы Дипломатиялык академиясында өткөн “Климаттын өзгөрүшүнүн шартында туруктуу жашыл өнүгүүнүн көйгөйлөрү” аталышындагы эл аралык илимий-практикалык конференциясына И.Арабаев атындагы КМУнун Илим, эл аралык байланыштар жана инновациялар боюнча проректору Айгүл Чалданбаева, Эл аралык бөлүмдүн башчысы Рахат Рай кызы катышты.

Конференциянын максаты: туруктуу жашыл өнүгүүнүн негизги маселелерин талкуулоо; климаттын өзгөрүшүнө адаптациялоо жаатында тажрыйба жана билим алмашуу; жашыл технологияларды киргизүү боюнча практикалык сунуштарды иштеп чыгуу, энергиянын кайра жаралуучу булактарын өнүктүрүү жана ар кандай деңгээлде – жергиликтүүдөн глобалдык деңгээлге чейин эффективдүү экологиялык стратегияларды түзүү.

Конференция тажрыйба алмашуу үчүн жемиштүү аянтча болуп калды жана климаттын өзгөрүшүнө адаптациялоо, жашыл технологияларды жана туруктуу өнүгүүнү илгерилетүү боюнча практикалык чечимдерди иштеп чыгууга салым кошту.

Эл аралык илимий-практикалык конференциянын ишине окумуштуулар, окутуучулар, практиктер, мамлекеттик жана жеке уюмдардын өкүлдөрү, ошондой эле климаттын өзгөрүүсүнүн шартында туруктуу өнүгүү үчүн чечимдерди издөөгө кызыкдар болгондор катышты.