КМУнун проректору Р.Зайниев Түркиядан келген расмий өкүлдөр менен жолугуп, TalentforBIZ жарманкеси тууралуу сүйлөштү

И.Арабаев атындагы КМУнун Окуу иштери боюнча проректору Раушанбек Зайниев жана Теология факультетинин деканы Нурбек Шамралиев Түркиянын Кыргызстандагы элчилигинин билим берүү боюнча кеңешчиси Кюршат Дулкадир, Түркия Республикасынын Президентинин администрациясынын кадрлар офисинин адистери Бетюл Темиз, Бетюл Кылыч менен жолугушушту. Жолугушууда ү.ж. 7-декабрында өткөрүлө турган TalentforBIZ жарманкеси тууралуу маек болуп, иш-чаранын максаты тууралуу маалыматтар менен бөлүштү.

TalentforBIZ программасы — бул алдыңкы түрк бренддеринин дүйнө жүзүнөн келген таланттуу жаштар менен жолугушуучу платформасы. Иш-чаранын максаты - карьералык мүмкүнчүлүктөр тууралуу маалымат алмашууну жана түрк иш берүүчүлөрү менен мүмкүнчүлүгү бар жумушчулардын ортосунда байланыш орнотууну түзүү.