КМУнун студенти Н. Бабаев “КМШнын мыкты студенти” аталды

И.Арабаев атындагы Кыргыз мамлекеттик университетинин Жаңы маалыматтык технологиялар институтунун 2-курсунун студенти Нуржигит Бабаев “КМШнын мыкты студенти” эл аралык сынагында I орунду ээледи. Нуржигит Бабаев КМШ өлкөлөрүндөгү жаштар саясатын өнүктүрүүгө кошкон салымы жана коомдук иштерге активдүү катышкандыгы үчүн I даражадагы диплом менен сыйланды. Иш-чара Казакстан Республикасынын “Жаңы Казакстан” республикалык инновациялык борбору жана “BILIM-ORKENIETI” улуттук инновациялык илимий-изилдөө борбору тарабынан уюштурулган.

Белгилей кетсек, жеңүүчүлөрдү сыйлоо аземи Казакстандын Астана шаарында өттү. Сынак КМШ өлкөлөрүнүн илимий изилдөө жана окуу жайларынын арасында ар жылы өткөрүлүп келет.