КМУнун студенти Н.Сраждинова Конрад Аденауэр фондунун стипендиясына ээ болду

И.Арабаев атындагы КМУнун Э.Ж.Маанаев атындагы Тарых жана социалдык-укуктук билим берүү институтунун “Юриспруденция” багытынын 1-курсунун студенти Сраждинова Нуриза Конрад Аденауэр фондунун стипендиясына ээ болду. Нуриза Сраждинова 2024-жылдын декабрь айында Конрад Аденауэр фондунун стипендиялык конкурсуна катышып, жеңүүчү аталды. Ал окууда активдүү студент катары таанылып, ошондой эле ЮНИСЕФтин долбоорлорунда ыктыярчылык кылып келет.

Нуриза Сраждинова өз кезегинде конкурста ар тараптуу колдоо көрсөткөндүгү үчүн ТСУББИнин директору Чолпон Койчумановага терең ыраазычылык билдирген.

Эскерте кетсек, 2024-жылдын 29-августунда Конрад Аденауэр фонду менен И.Арабаев атындагы КМУнун ортосунда эки тараптуу меморандумга кол коюлган. Конрад Аденауэр фондунун Борбордук Азия боюнча аймактык өкүлү Андре Альгермиссен КМУнун студенттери менен жолугушуусунда стипендияга ээ болгон студенттер келечекте фонддун колдоосу менен Германияда окуу мүмкүнчүлүгүнө ээ боло тургандыгын айткан.