КМУнун студенттери “Ачык эшиктер” күнүнө катышты

И.Арабаев атындагы Кыргыз мамлекеттик университетинин Э.Ж.Маанаев атындагы Тарых жана социалдык-укуктук билим берүү институтунун студенттери Бишкек шаарынын Свердлов райондук сотунда өткөн “Ачык эшиктер” күнүнө катышты.

Иш-чара укук таануу жумалыгынын алкагында уюштурулуп, студенттер сот имараты менен таанышып, сот иштеринин жүрүшү тууралуу маалымат алышты.

Иш-чаранын максаты: студенттерге сот системасынын иши тууралуу кенен маалымат берүү, ошондой эле, мыйзамдуулук жана сот органдарынын кызматкерлеринин иши тууралуу түшүнүктөрүн тереңдетүү.

Бул иш-чара жаштардын укуктук сабаттуулугун жогорулатууга, мыйзамды сыйлоону жайылтууга жана сот органдары менен ишенимди бекемдөөгө багытталган.

Иш-чара КМУнун Э.Ж.Маанаев атындагы Тарых жана социалдык-укуктук билим берүү институту тарабынан уюштурулду.