КМУнун студенттери И.Раззаков атындагы КМТУнун 70 жылдыгына карата уюштурулган олимпиадага катышты

18-апрель күнү И.Арабаев атындагы КМУнун Экономика жана менеджмент институтунун студенттери И.Раззаков атындагы Кыргыз мамлекеттик техникалык университетинин 70 жылдыгына карата уюштурулган республикалык студенттик олимпиадага катышты.

Студенттерди ага окутуучулар Ж. Амеркулова, М. Солтогулова жетектеп барды. Олимпиада ЖОЖдор арасында финансы, аудит жана бухгалтердик эсеп боюнча өтүп, 15 команда катышкан.

КМУнун Экономика жана менеджмент институтунун студенттер командасы Г. Аманкулова, А. Тилембаева, С. Адамова, Н. Базарбаева өз билимдерин татыктуу көрсөтүп, алдыңкы беш команданын катарын толуктады. Жыйынтыгында сертификаттар, ыраазычылык каттар жана сыйлыктар тапшырылды.