КМУнун студенттери Кыргыз радиосунда практикалык сабакка катышты

И.Арабаев атындагы Кыргыз мамлекеттик университетинин Мамлекеттик тил жана маданият институтунун Эл аралык журналистика жана медиакоммуникациялар бөлүмүнүн окутуучусу Айымкүл Мамаева студенттерди УТРКнын Кыргыз радиосуна алып барып, практикалык сабак өттү. Иш-чаранын максаты: студенттерге радио алып баруу ишин тереңирээк түшүндүрүү, радио студиясындагы ишти практика жүзүндө көрсөтүү.

Сабактын жүрүшүндө студенттер радиодо үн жаздырууну жана радио алып баруучусу катары өздөрүн сынап көрүштү. Студенттерге радио эфирине чыгуу процессин көрсөтүп, программаларды кантип алып баруу керектиги тууралуу маалымат берилди.

Иш-чаранын соңунда студенттерге Биринчи радио жана Миң Кыял FM радиолорунун студиясына экскурсия уюштурулуп, радионун алып баруучулары менен жолугушуулар болду.

Бул иш-чара студенттердин медиакоммуникация жана радио чөйрөсүндө тажрыйба топтоого зор мүмкүнчүлүк түздү.