КМУнун студенттери Кыргызстандын Журналисттер союзуна барышты

И.Арабаев атындагы Кыргыз мамлекеттик университетинин Мамлекеттик тил жана маданият институтунун эл аралык журналистика жана медиа коммуникациялар бөлүмүнүн студенттери Кыргызстандын Журналисттер союзунун төрагасы Илязбек Балташев менен жолугушту. Жолугушуунун жүрүшүндө Журналисттер союзунун тарыхы, ишмердүүлүгү, иш багыттары жана медиа тармагын өнүктүрүүгө багытталган негизги долбоорлору тууралуу маалымат алышты.

Иш-чаранын соңунда студенттер журналистиканын өнүгүү келечеги жана кесиптин кыйынчылыктары тууралуу суроолорун берип, кесиптик кеңештерди алышты.

Бул иш-чара болочок журналисттер үчүн пайдалуу болуп, алардын кесиптик билимдерин тереңдетүүгө жана медиа чөйрөсүнө болгон кызыгуусун арттырууга шарт түздү.