КМУнун студентти Ж. Турганбекова “КМШнын мыкты студенти” аталды

И.Арабаев атындагы Кыргыз мамлекеттик университетинин Мамлекеттик тил жана маданият институтунун Эл аралык журналистика жана медиа коммуникациялар бөлүмүнүн 4-курсунун студенти Жасмин Турганбекова “КМШнын мыкты студенти” эл аралык сынагында I орунду жеңип алды. Жасмин Турганбекова КМШ өлкөлөрүндөгү жаштар саясатын өнүктүрүүгө кошкон салымы жана коомдук иштерге активдүү катышкандыгы үчүн I даражадагы диплом менен сыйланды.

Бул иш-чара Казакстан Республикасынын “Жаңы Казакстан”республикалык инновациялык борбору жана “BILIM-ORKENIETI” улуттук инновациялык илимий-изилдөө борбору тарабынан уюштурулган. Сыйлык тапшыруу аземи Казакстан Республикасынын Астана шаарында өттү.