КМУнун студенттик жатаканасында “Лидерлик жана коммуникация” аталышында тренинг өттү

И.Арабаев атындагы Кыргыз мамлекеттик университетинин студенттик жатаканасында “Лидерлик жана коммуникация” аталышында тренинг өттү.

Иш-чара Кыргыз Республикасынын Президентинин "Улуттук дем - дүйнөлүк бийиктик" уңгужолу жөнүндө Жарлыгын

ишке ашыруу максатында жана КМУнун 80 жылдыгына карата уюштурулуп, жаштардын лидерлик жана коммуникация көндүмдөрүн өнүктүрүү, аларга кесипке карай багыт берүү максатын көздөйт. Тренер Айнур Каныбекова студенттерге лидер катары сабаттуу сүйлөө, команда менен баарлашуунун өзгөчөлүктөрү, конфликттерди чечүүдө ораторлук чеберчиликтин ролу, импровизациянын негиздери тууралуу маалымат берди. Вербалдык (дене тили: кыймыл-аракет, көз караш) жана вербалдык эмес (үн: тон, темп, дикция) коммуникация, сөз сүйлөөнүн ыкмаларын колдонуп, студенттер көнүгүүлөрдү аткарышты. Тренингге Мамлекеттик тил жана маданият институтунун 1-курстун куратору, проф.м.а. Г. Жумаева, 2-курстун куратору, доцент Г. Устабаева катышып, соңунда студенттердин жашоо шарты менен таанышышты.

Иш-чара КМУнун студенттик жатаканасынын жаштар иштери боюнча координатору Т. Абдыкалыкованын демилгеси жана МТМИнин кыргыз адабияты жана анын технологиялары кафедрасы тарабынан уюштурулду.