Кыргыз мамлекеттик университети Эл аралык студенттер күнүнө карата салтанатуу иш-чара өткөрүүдө

Бүгүн, 16-ноябрь күнү, И. Арабаев атындагы Кыргыз мамлекеттик университети 17-ноябрь – Эл аралык студенттер күнүнө карата салтанаттуу иш-чара өткөрүүдө.

Иш-чаранын жүрүшүндө КМУнун ректору Айгул Абдраева куттуктоо сөз сүйлөп, студенттерди Эл аралык студенттер күнү менен куттуктап, окуудагы жетишкендиктерди жана ийгиликтерди каалады.

Иш-чара Кыргыз Республикасынын Президентинин “Улуттук нарк жөнүндө” Жарлыгын ишке ашыруу максатында жана университеттин 80 жылдык мааракесине арналып, студенттердин таланты менен жигерин көрсөтүү жана алардын билим алууга, коомдук иштерге кошкон салымын баалоо максатында уюштурулган.