Орус филологиясы факультетинин деканы Н.Сегизбаева Ереван шаарында өтүп жаткан КМШ орус таануучуларынын эл аралык форумуна катышууда

И.Арабаев атындагы КМУнун орус филологиясы факультетинин деканы, п.и.к., доцент Назгүл Сегизбаева Ереван шаарында өтүп жаткан КМШ орус таануучуларынын эл аралык форумуна катышууда.

«Чек арасыз орус тили: А.С. Пушкиндин мурасы жана орус адабиятындагы пушкиндик салттар» аталышындагы форум 3 күнгө созулат.

Форумдун максаты: орус тили жана адабияты окутуучуларынын билим берүү жана маданий коомчулугун түзүү.

Иш-чарага КМШнын 7 өлкөсүнөн 120 филолог катышууда.

Форумдун жүрүшүндө панелдик талкуулар, мастер-класстар жана усулдук сабактар пландалууда. Форумду Н.И.Лобачевский атындагы Нижний Новгород мамлекеттик улуттук изилдөө университети уюштурган. Форум Россотрудничествонун, Россия Федерациясынын Илим жана жогорку билим берүү министрлигинин жана Армениянын Билим берүү, илим, маданият жана спорт министрлигинин колдоосу менен өтүүдө.