Педагогика жана психология  институтунун  1-курсунун студенттери Кембридж мектебине барып келишти

И.Арабаев атындагы Кыргыз мамлекеттик университетинин ректорунун демилгеси менен англис тилинде окуган Педагогика жана психология институтунун 1-курсунун ПБк-15-23 пилоттук  группасынын студенттери институттун директору, доцент Гүлзат Казиева, педагогика кафедрасынын ага окутуучусу Элмира Турсунова, группанын куратору Насиат Канатбекова Бишкек шаарындагы Кембридж мектебине барып келишти.
Жолугушууну Педагогика жана психология институтунун “Башталгыч билим берүү” профилинин 2-курсунун магистранты Айпери Мергенбаева уюштуруп, студенттерди окуу жай менен тааныштырып, мектепте окуучулардын күн тартиби, колдонулган технологиялар жана программасы жөнүндө кенен айтып берди.
Жолугушуу алкагында институттун директору Гүлзат Казиева Кембридж мектебинин директору  Джейсон Нэйл менен окуу планда белгиленген педагогикалык практикаларды  өткөрүү  боюнча сүйлөшүүлөрдү жүргүздү.