Профессор Г.Абдалиева КМУнун ЖМТИнин студенттерине "Кыргызстанда билим берүүнүн өнүгүшү жана калыптанышы" аталышында конок-лекция өттү

Бүгүн, 3-апрель күнү И.Арабаев атындагы КМУнун Жаңы маалыматтык технологиялар институтунун студенттерине "Кыргызстанда билим берүүнүн өнүгүшү жана калыптанышы" аталышында И.Арабаев атындагы КМУнун 80 жылдыгына карата т.и.д., профессор Абдалиева Г.К. конок-лекция окуду.

Иш-чарада Кыргызстанда билим берүүнүн тарыхый өнүгүшү жана калыптанышы талдоого алынды. И. Арабаев атындагы Кыргыз мамлекеттик университетинин 80 жылдык мааракесине арналган изилдөөдө өлкөдөгү агартуу системасынын негизги баскычтары, билим берүүдөгү реформалар жана алардын коомго тийгизген таасири каралды. Ошондой эле, университеттин илим-билим жаатындагы салымы, кадрлар даярдоодогу ролу жана келечектеги өнүгүү багыттары баяндалды. Изилдөө Кыргызстандагы педагогикалык билим берүүнүн эволюциясын түшүнүүгө өбөлгө түзүп, билим берүү тармагындагы учурдагы маселелерди жана перспективаларды ачып көрсөттү.

Студенттер төмөнкү максаттарга жетише алды:

- Кыргызстандагы билим берүү тарыхы жана анын өнүгүү баскычтары жөнүндө кеңири маалымат алуу;

- И. Арабаев атындагы КМУнун педагогикалык кадрларды даярдоодогу маанилүү ролун түшүнүү;

- Билим берүү жаатындагы реформалардын жана заманбап өзгөрүүлөрдүн маанисин баалоо;

- Билим берүү тармагындагы келечектеги багыттарды изилдөө жана жеке илимий-изилдөө иштерин жүргүзүү жөндөмүн өнүктүрүү.

Бул изилдөө студенттердин илимий ой жүгүртүүсүн өркүндөтүп, билим берүү тармагында эмгектенүүгө болгон кызыгуусун арттырууга жардам берет.