Ректор Конфуций институтунун өкүлдөрүн кабыл алды

17-январда Ишеналы Арабаев атындагы Кыргыз мамлекеттик университетинин ректору Айгүл Абдраева К.Карасаев атындагы БМУнун алдындагы Кытай тараптан Конфуций институтунун директору Ду Хуа менен  Кыргыз тараптан Конфуций институтунун директору Гүлзат Исаматованы кабыл алды. Жолугушууда эки тараптуу кызматташуунун пландары талкууланды. Ошондой эле Конфуций Институту  тарабынан тандалган Чыгыш таануу жана эл аралык мамилелер кафедрасынын эки студенти Синьцзян педагогикалык университетине 2 жумалык  кытай тили боюнча иш-чарага барарын маалымдашты.