Студенттер арасында "Кыз-жигит Сармерден" оюну болду

23-мартта университеттин Ч. Айтматов атындагы Чоң жыйындар залында студенттер арасында Биология жана химия факультетинин кыздары жана География, экология жана туризм факультетинин жигиттери ортосунда «Сармерден»  оюну  өткөрүлдү. Кыргыздын салт-санаасын,  ата-бабадан  келе  жаткан   мурасын, элин,  жерин,  тилин  сүйүүгө үйрөткөн Сармерден” таймашы курамдар арасындагы  достукту күчөтүү максатында болду.  Анда кыз-жигиттер  арасында  макал-лакап,  жаңылмач,  табышмак  акыя айтышуу менен кол өнөрчүлүк көрсөтүлдү. Жыйынтыгында Биология жана химия факультетинин кыздар тобу  92 упай менен жеңишке жетишти.