Табигый илимдер жана туризм институтунун окутуучулары жана студенттери Ак илбирсти коргоонун эл аралык күнүнө арналган сүрөт көргөзмөсүнө барышты

И.Арабаев атындагы КМУнун Табигый илимдер жана туризм институтунун студенттери жана окутуучулары Ак илбирсти коргоонун эл аралык күнүнө арналган сүрөт көргөзмөсүнө барышты.  Эл аралык ак илбирс күнүнө карата "Кыргызстандын жоголуп бара жаткан байлыктары" аттуу фотокөргөзмө экология тармагында өзгөчө мааниге ээ, демек ал ар бирибиз үчүн өзгөчө мааниге ээ. Бул иш-чарада сейрек кездешүүчү жаныбардын улуулугу жана асылдыгы сүрөттөлгөн. Фото жана видеоматериалдар аркылуу ак илбирсти, ошондой эле анын экосистемасын сактоо боюнча жүргүзүлүп жаткан иш-чаралар жөнүндө сөз болду. Камералык капкандардын материалдары, ошондой эле адам менен жаратылыштын гармониясын чагылдырган профессионалдуу сүрөттөр жайгашкан.

Көргөзмө 20-октябрдан 7-ноябрга чейин Г.Айтиев атындагы Кыргыз улуттук көркөм сурөт искусство музейинде өтөт. Кирүү акысыз.

Кыргызстандын жаратылышынын тагдырын чечкен окуялардан алыс болбоңуз!

Ак илбирсти сактоо баарыбыз үчүн жаркын келечек дегенди билдирет!